Пайдалану нұсқаулары

Аралау дискілерін соқтығысудан және соққыдан қорғаңыз.

Жақсы кесік сапасына қол жеткізу үшін электр құралын біркелкі және жеңіл итеру қозғалысымен кесік бағытымен жүргізіңіз. Тым қатты итеру нәтижесінде алмалы-салмалы аспаптың қызмет ету мерзімі қысқарады және электр құралы зақымдалуы мүмкін.

Аралаудың өнімділігі және сапасы көбінесе аралау дискісінің күйі мен пішініне байланысты. Сондықтан тек өткір және өңделіп жатқан материалға жарайтын аралау дискілерін пайдаланыңыз.

Аралау дискісін дұрыс таңдау ағаштың түріне және сапасына, сосын бойлай немесе көлденеңінен аралауға байланысты.

Көлденеңінен аралау кезінде ұзын серіппелі жоңқа пайда болады.

Емен мен шамшат шаңы денсаулыққа өте зиянды, сондықтан тек шаңсорғышпен жұмыс істеңіз.

Нұсқау: синтетикалық материалдарды, әсіресе ПВХ-ны аралау кезінде электрстатикалық зарядты шығаруы мүмкін ұзын серіппелі жоңқа пайда болады. Жоңқа шығаруға арналған келте құбыр (18) бітелуі мүмкін. Шаңсорғышпен жұмыс істеген жөн.

Электр құралын қосылған күйде дайындамадан жүргізіңіз және оны жайлап аралаңыз. Содан кейін ара тістері жабысып қалмауы үшін үзілістерсіз жұмыс істеңіз.

  • Жеңіл құрылыс материалдарын аралау кезінде материал өндірушісінің нұсқаулықтары мен ұсыныстарын орындаңыз.

Жеңіл құрылыс материалдарын тек құрғақ күйде және тек шаңсорғышпен бірге аралауға рұқсат етіледі. Әрқашан бағыттауыш шинамен (30) (керек-жарақ) бірге жұмыс істеңіз.

Шаңсорғышта тас шаңын соруға рұқсат болуы керек. Bosch осындай шаңсорғыштарды ұсынады.

Бағыттауыш шина (30) көмегімен тік кесіктерді орындауға болады.

Бағыттауыш шинаның резеңке жиегі ағашты аралау кезінде материалдың шығып кетуін болдырмайды. Ол үшін ара төсемі тікелей резеңке жиекке тістерімен тақалып тұруы керек.

Алғаш рет аралау алдында бағыттауыш шина (30) көмегімен резеңке жиекті пайдаланылатын дискілік арамен туралау керек. Ол үшін бағыттауыш шинаны (30) дайындаманың бүкіл ұзындығына қойыңыз. Шамамен 9 мм аралау тереңдігін орнатыңыз және аралаудың тік бұрышын реттеңіз. Дискілік араны қосыңыз және жайлап басып, аралау бағытында жүргізіңіз.

Жалғағыш бөліктің (31) көмегімен екі бағыттауыш шинаны байланыстыруға болады. Бекіту жалғау бөлшегінде орналасқан төрт винт көмегімен жүзеге асырылады.

Тірек тақтасына (8) кіріктірілген жіңішке гайканы (50) керек-жарақтар бетінде көрсетілген бағыттауыш шиналар үшін пайдалануға болады. Араны бағыттауыш шинаға орнатып, қажет болса, екі сырғымалы жылжымамен (45) ара мен бағыттауыш шина дәлдігін реттеп шығыңыз.
Тірек тақтасын басқа өндірушінің кеңірек бағыттауыш арқалығымен бағыттауыш шиналарға бейімдеу үшін пластик ендірмені (44) алып тастаңыз.

Параллельді тіреуіш (46) дайындама жиегі бойымен дәл аралауларды жүзеге асыруға және өлшемі бірдей жолақтарға кесуге мүмкіндік береді.

Параллель тіректің (46) бағыттауыш штангаларын тірек тақтасындағы бағыттауыштар (8) арқылы өткізіп жылжытыңыз. Қатпарлы бұрандаларды (47) екі жағынан суретте көрсетілгендей орнатып, бірақ қатпарлы бұрандаларды (47) әзірше бұрап бекітпеңіз.

Тиісті (33) немесе (32) кесік белгісінің көмегімен шкалада қажетті кесік енін шкала мәні ретінде реттеп шығыңыз, қараңыз Кесік белгілері (B суретін қараңыз). Құлақты бұрандаларды (47) бұрап бекітіңіз.

Үлкен дайындамаларды өңдеу және түзу жиектерді кесу үшін дайындамада қосымша тірек ретінде тақтаны немесе рейканы бекітуге боалды және дискілік тақтаны тірек тақтасымен бірге қосымша тіректің бойымен жүргізуге болады.