Пайдалану нұсқаулары

Кесік ені пайдаланған ара дискісіне байланысты өзгереді.

Аралау дискілерін соқтығысудан және соққыдан қорғаңыз.

Жақсы кесік сапасына қол жеткізу үшін электр құралын біркелкі және жеңіл итеру қозғалысымен кесік бағытымен жүргізіңіз. Тым қатты итеру нәтижесінде алмалы-салмалы аспаптың қызмет ету мерзімі қысқарады және электр құралы зақымдалуы мүмкін.

Аралаудың өнімділігі және сапасы көбінесе аралау дискісінің күйі мен пішініне байланысты. Сондықтан тек өткір және өңделіп жатқан материалға жарайтын аралау дискілерін пайдаланыңыз.

Аралау дискісін дұрыс таңдау ағаштың түріне және сапасына, сосын бойлай немесе көлденеңінен аралауға байланысты.

Көлденеңінен аралау кезінде ұзын серіппелі жоңқа пайда болады.

Емен мен шамшат шаңы денсаулыққа өте зиянды, сондықтан тек шаңсорғышпен жұмыс істеңіз.

Тірек тақтасына (8) кіріктірілген жіңішке ойықты (34) керек-жарақтар бетінде көрсетілген бағыттауыш шиналар үшін пайдалануға болады.

Бағыттауыш шина (36) көмегімен тік кесіктерді орындауға болады.

Бағыттауыш шинаның резеңке жиегі ағашты аралау кезінде материалдың шығып кетуін болдырмайды. Ол үшін ара төсемі тікелей резеңке жиекке тістерімен тақалып тұруы керек.

Алғаш рет аралау алдында бағыттауыш шина (36) көмегімен резеңке жиекті пайдаланылатын дискілік арамен туралау керек. Ол үшін бағыттауыш шинаны (36) дайындаманың бүкіл ұзындығына қойыңыз. Шамамен 9 мм аралау тереңдігін орнатыңыз және аралаудың тік бұрышын реттеңіз. Дискілік араны қосыңыз және жайлап басып, аралау бағытында жүргізіңіз.

(34) ойығы Bosch және Mafell ұсынған бағыттауыш шина жүйелеріне арналған.

(35) ойығы Festool және Makita ұсынған бағыттауыш шина жүйелеріне арналған.

Параллельді тіреуіш (38) дайындама жиегі бойымен дәл аралауларды жүзеге асыруға және өлшемі бірдей жолақтарға кесуге мүмкіндік береді.

Параллель тіректің (38) бағыттауыш штангаларын тірек тақтасындағы бағыттауыштар (8) арқылы өткізіп жылжытыңыз. Қатпарлы бұрандаларды (11) екі жағынан суретте көрсетілгендей орнатып, бірақ қатпарлы бұрандаларды (11) әзірше бұрап бекітпеңіз.

Сәйкес (13) немесе (12) кесік белгісіндегі шкала мәні ретінде қажетті кесік енін орнатыңыз, Аралау бұрышының белгілері. Құлақты бұрандаларды (11) бұрап бекітіңіз.

Нұсқау: тірек тақтасын (8) ұлғайту үшін параллель тіректі (38) 180°-қа бұрап монтаждаңыз (N суретін қараңыз).

Үлкен дайындамаларды өңдеу және түзу жиектерді кесу үшін дайындамада қосымша тірек ретінде тақтаны немесе рейканы бекітуге боалды және дискілік тақтаны тірек тақтасымен бірге қосымша тіректің бойымен жүргізуге болады.

Ілгектердің (31) көмегімен электр құралын, мысалы, сатыға ілуге болады. Ол үшін ілгектерді (31) қажетті позицияға қайырыңыз.

  • Электр құралы ілініп тұрған кезде, ара төсемі кездейсоқ жанасудан қорғалғанына назар аударыңыз. Жарақат алу қаупі бар.

Электр құралымен жұмыс істеу қажет болса, ілгектерді (31) қайтадан жинап қойыңыз.

Электр құралын қарқынды немесе ұзақ уақыт пайдаланғаннан кейін, еңіс бұрышына арналған шкала белгісін (39) дәлдеп реттеу қажет болуы мүмкін. Ол үшін бұранданы (40), ара төсемі тірек тақтасына (8) 90° бұрышта орналасқанша, бұрап босатыңыз немесе бұрап бекітіңіз. Бұранданың (40) көмегімен қызыл түсті шкала белгісін (39) шкаладағы (9) нөлдік нүктемен туралаңыз.