Ставање во употреба
Со прекинувачот за менување на правецот за вртење (3) може да го промените правецот на вртење на електричниот алат. Доколку прекинувачот за вклучување/исклучување (9) е притиснат ова не е возможно.
Вртење во десно: За навртување на завртки и прицврстување на навртки притиснете го прекинувачот за менување на правец на вртење (3) на лево до крај.
Вртење во лево: За олабавување одн. одвртување на завртки и навртки притиснете го прекинувачот за менување на правецот на вртење (3) на десно до крај.
Бројот на вртежите/ударите на вклучениот електричен алат може да го регулирате бесстепено, во зависност од тоа колку подалеку ќе го притиснете прекинувачот за вклучување/исклучување (9).
Со нежно притискање на прекинувачот за вклучување/исклучување (9) се постигнуваат мал број на вртежи/удари. Со зголемување на притисокот се зголемува и бројот на вртежи/удари.
За ставање во употреба на електричниот алат притиснете го прекинувачот за вклучување/исклучување (9) и држете го притиснат.
Работните светла (10) и (18) светат при малку или целосно притиснат прекинувач за вклучување/исклучување (9) и овозможуваат осветлување на работната зона при неповолни светлосни услови.
За да го исклучите електричниот алат, отпуштете го прекинувачот за вклучување/исклучување (9).
Корисничкиот интерфејс (8) служи за претходно избирање на бројот на вртежи и на режимот на работење, како и за прикажување на состојбата на електричниот алат.
Прикази за состојба
Прикажување на состојбата на електричниот алат (15) | Значење/Причина | Решение |
|---|---|---|
Зелено | Статус OK | – |
Жолто | Достигната е критичната температура или батеријата е речиси празна | Оставете го електричниот алат да работи во празен од и да се олади или наскоро заменете ја одн. наполнете ја батеријата |
Свети црвено | Електричниот алат е прегреан или батеријата е празна | Оставете да се олади електричниот алат или заменете ја одн. наполнете ја батеријата |
Трепка сино | Електричниот алат е поврзан со мобилен уред или поставките се пренесуваат | – |
Со копчето за претходно избирање на број на вртежи (19) може претходно да го изберете потребниот број на вртежи во 3 степени. Притискајте го копчето (19), додека саканата поставка сигнализира на приказот за број на вртежи (20). Избраната поставка е зачувана.
Може претходно да го изберете бројот на вртежи преку апликацијата Bosch Toolbox.
Неопходниот број на вртежи зависи од материјалот и работните услови и може да се одреди при практична примена.
Основна поставка за број на вртежи при степен | |||
|---|---|---|---|
1 | 2 | 3 | |
[min–1] | [min–1] | [min–1] | |
Број на степени на вртежи | |||
3 | 0–800 | 0–2300 | 0–3400 |
Со копчето за претходно избирање на број на вртежи (19) може да го изберете потребниот број на вртежи и за време на работата.
Електричниот алат располага со 2 претходно дефинирани работни режима A и B (16). Работните режими може дополнително преку апликацијата Bosch Toolbox под A и B (16) да ги програмирате за различни примени и постоечките режими да ги прилагодите.
За да менувате помеѓу работните режими A и B (16), притиснете го копчето за режим (17).
Предефиниран режим на работа (16) | Значење | Функција |
|---|---|---|
A | Автоматско забавување | Во режимот на работа A, електричниот алат ја намалува брзината при затегнување (ударниот механизам е во акција). Преку регулаторот во апликацијата Bosch Toolbox може да се прилагодува времето на забавување. |
B | Автоматско исклучување | Во режимот на работа B, електричниот алат автоматски запира штом завртката достигне до потпирачот за глава. Преку регулаторот во апликацијата Bosch Toolbox може да се прилагодува исклучувањето. |
Корисничкиот интерфејс може да се заклучи и отклучи со помош на функцијата „Заклучување на кориснички интерфејс“ во апликацијата Bosch Toolbox.
Заклучување и отклучување на корисничкиот интерфејс:
Активирајте ја функцијата „(Отклучување)заклучување на уред“ во апликацијата Bosch Toolbox.
Функцијата сега е дополнително овозможена на електричниот алат.
За да го заклучите или отклучите корисничкиот интерфејс, притиснете ги и држете ги двете копчиња за режим (17) и претходно избирање на број на вртежи (19) за 5 секунди.
НАПОМЕНА: Ако функцијата „Заклучување на корисничкиот интерфејс“ е активна, ресетирањето на фабричките поставки преку електричниот алат автоматски се деактивира.