Жұмыс бойынша нұсқаулар
Фрезерлеу бағыты мен фрезерлеу процесі (C суретін қараңыз)
- Фрезерлеу процесін әрқашан фрезаның айналу бағытына қарсы (кері қозғалыс) орындау керек. Айналу бағытымен фрезерлеу кезінде (синхронды қозғалыс), электр құралы қолыңыздан сырғып кетуі мүмкін.
Батырмалы блокпен (2) фрезерлеу жұмысы келесідей жүргізіледі:
- Қажетті фрезерлеу тереңдігін реттеңіз, "Фрезерлеу тереңдігін реттеу" бөлімін қараңыз.
- Фрезасы орнатылған электр құралын өңделетін дайындамаға қойып, электр құралын қосыңыз.
- Батыру функциясына арналған құлыптан босату иінтірегін (12) басып, жиек фрезасын, реттелген фрезерлеу тереңдігіне жеткенше, баяу төмен қарай жүргізіңіз. Осы батыру тереңдігін бекіту үшін құлыптан босату иінтірегін (12) қайтадан жіберіңіз.
- Фрезерлеу әрекетін біркелкі алға жылжыту арқылы орындаңыз.
- Фрезерлеу әрекеті аяқталғаннан кейін, жиек фрезасын ең жоғарғы күйге қайтарыңыз.
- Электр құралын өшіріңіз.
Қысқыш иінтіректі реттеу (D суретін қараңыз)
Егер жетек блогы (1) батырмалы блокта бұдан былай берік орналаспаса, қысқыш иінтіректің (13) керіліс күшін реттеу қажет.
- Қысқыш иінтіректі ашыңыз.
- Гайканы айыр тәрізді кілтпен (8 мм) шамамен 45°-қа сағат тілінің бағытымен бұраңыз.
- Қысқыш иінтіректі қайта жабыңыз.
- Жетек блогының берік керілгенін тексеріп шығыңыз. Гайканы тым қатты қатайтпаңыз.